Qonaq Kitabı
Şəha, səndən səfa istər Xətayi

 

Şəha, səndən səfa istər Xətayi,

Kərəm, lütfü əta istər Xətayi.

 

Ayağın toprağın, ey şahi-aləm,

Gözünə tutiya istər Xətayi.

 

Götürgil ağ yüzündən qara zülfi,

Niqabın aç, liqa istər Xətayi.

 

Diləməz asitanından cüdalığ,

Cəfa qılma, vəfa istər Xətayi.

 

Şəha, bu doğru yola varmaq içün

Sənin tək rəhnüma istər Xətayi.

 

Yezidü kafərü Mərvanə hər dəm

Qazilərdən qəza istər Xətayi.

 

Məhəmmədü Əlinin hörmətiçün

Yəqin bilgil, xuda istər Xətayi.

 

 



 
[1] 
 
© 2011 Ədəbiyyat portalı - www.azerlit.info