Yəqin bilki, xudayidir Xətayi
Yəqin bilki, xudayidir Xətayi, Məhəmməd Mustafayidir Xətayi,
Səfi nəsli, Cüneydi-Heydər oğlu, Əliyyəl-Mürtəzayidir Xətayi.
Həsən eşqinə meydanə gəlibdir, Hüseyni-Kərbəlayidir Xətayi.
Əli Zeynəlibad, Baqirü Cəfər, Kazım, Musa Rizayidir Xətayi.
Məhəmməd Təqidir, Əli Həqi həm, Həsən Əskər liqayidir Xətayi.
Məhəmməd Mehdiyi-Sahib Zəmanın Eşgində gədayidir Xətayi.
Mənim adım vəli Şah İsmayıldır, Təxəllüsü Xətayidir Xətayi.
|
© 2011 Ədəbiyyat portalı - www.azerlit.info