Rüxün bədr ayə bənzər, bənzəməzmi?
Rüxün bədr ayə bənzər, bənzəməzmi? Saçın sevdayə bənzər, bənzəməzmi?
Fəqirəm, ol gözəldür hüsn içində Ğənidir, bayə bənzər, bənzəməzmi?
Xədəngi-kirpigün oxdur ki, qaşın Qurulmuş yayə bənzər, bənzəməzmi?
Zahidin qarğışı aşiq həqində Yalan dəvayə bənzər, bənzəməzmi?
Xətayi, firqətindən ağlamaqdan Du çeşmim çayə bənzər, bəzəməzmi?
|
© 2011 Ədəbiyyat portalı - www.azerlit.info