Dilbəra, eşqində mən tək kimsə məşhur olmadı,

Ya sənin tək hüsninə heç kimsə məğrur olmadı.

Hur ilən baği-beheşti qıldılar tərif, leyk

Eşigin tək cənnətü hüsnin kimi hur olmadı.

Ta ki, eşqin gəlmədi, şaha, bu könlüm təxtinə,

Ey sənəm, şəhri-vücudim beyti-məmur olmadı.

Nuri-eşqin, dilbəra, könlümə ta kim düşmədi,

Zülməti-könlüm evi aləmdə pür nur olmadı.

Xaki-payini Xətayi ta ki çəkdi çeşminə,

Görmədin bu dövləti düşmən gözü kur olmadı.