Xəstə canım olmayasan sevgili canan kimi,

Höqqeyi-ləlini gördüm dərdimə dərman kimi.

Eylə kim, zülmat içində afitab olur əyan

Küfri-zülfin arasında rüxlərin iman kimi.

Arizinin nisbəti-vəsfin cahanda söylərəm,

Gülşəni-cənnətdə bitmiş şol güli-xəndan kimi.

Külbeyi-Yəqubə nisbət məskənim boldu xərab,

Ta ki, səndən ayru düşdüm Yusifi-Kənan kimi.

Bu Xətayi verdi övsafi-həqiqətdən xəbər

Ta gözüm gördü cəmalın surəti-rəhman kimi.