Gəl könül, pir istəyəli bu qədim ərkan ilə,

Gerçək oldur həq yoluna varə başü can ilə.

Canı tərkin qılmayan cananə vasil olmadı,

Qul gərək kim, məhrəm ola həzrəti-sultan ilə.

Qəhrinə şükr eyləgil kim, həq sana rəhm eyləyə,

Həmqərin olmuş əzəldən küfrü din iman ilə.

Öldürən sən, dirildən sən, saxlayan sənsən, həkim,

Yox imiş bir səndən özgə ayəti-Quran ilə.

Bu Xətayi ta əzəldən eşqinə yoldaş idi,

Könlünü şad eyləyibdir sən kərəmlü xan ilə.