Qonaq Kitabı
Canım tükəndi, həsrəti-cananəyəm yenə

 

Canım tükəndi, həsrəti-cananəyəm yenə,

Şəmi-rüxinə eşq ilə pərvanəyəm yenə.

 

Zahirdə gərçi dərdi-fəraq oldu həmdəmim,

Batin yüzində yar ilə həmxanəyəm yenə.

 

Dünya yüzündə eşq ilə zarəm, ey sənəm,

Bir söyləgil ki, üqbarə cananəyəm yenə.

 

Daim könül quşu ki, düşər dami-zülfinə,

Başdan-ayağa yaralu çün şanəyəm yenə.

 

Ta kim, Xətayi ahu tək düşdü bəndinə,

Səhradə dərdi-eşq ilə divanəyəm yenə.

 



 
[1] 
 
© 2011 Ədəbiyyat portalı - www.azerlit.info