Qılur ğəmzən cəfalər dürlü-dürlü
Qılur ğəmzən cəfalər dürlü-dürlü, Verür ləlin səfalər dürlü-dürlü.
Eşigində sənin hər gecə, ey şah, Sürür yüz min səfalər dürlü-dürlü.
Asılmış zülfinin hər bir muyunda Mənim tək mübtəlalər dürlü-dürlü.
Rəqiblər çəkdigim cəfalər içün Qılurmən bəd dualər dürlü-dürlü.
Xərabə könlümün içində eşqin Dutubdur çox binalər dürlü-dürlü.
Xətayi eşigində kəmtərindür, Umar səndən ətalər dürlü-dürlü.
|
© 2011 Ədəbiyyat portalı - www.azerlit.info