Çıxmaz, ey dilbər, sənin xeyli-xəyalın yaddən
Çıxmaz, ey dilbər, sənin xeyli-xəyalın yaddən, Könlümün şəhrini yıxdı eşqiniz bünyaddən.
Ta ki, düşdüm, ey pəri peykər, fəraqın dərdinə, Dutdu avazım cahanı ah ilə fəryaddən.
Anca kim, dünya yüzündə xəstə canım təndədir, Çıxmaya dərdi-fəraqin bu xərababaddən.
Ta ki, çeşmim qarşusundan ayru düşdün, ey sənəm. Çıxmaya hərgiz xəyalın xatiri-naşaddən.
Bu Xətayi sözünə dəq dutma, ey nakəs həsud, Ta əzəl təlim alıbdır bu həkim üstaddən.
|
© 2011 Ədəbiyyat portalı - www.azerlit.info