Cəmalın görəli can buldum, ey can
Cəmalın görəli can buldum, ey can, Yüzini nuri-iman buldum, ey can.
Yüzün dərdində gərçi xəstə idim, Vüsalın dərdə dərman buldum, ey can.
Sənin mehri-cəmalın, şükr lillah, Könül təxtində sultan buldum, ey can.
Behəmdillah ki, hicran zülmətində Ləbini abi-heyvan buldum, ey can.
Xətayiyəm, ayağın toprağında Bu gün mülki-Süleyman buldum, ey can.
|
© 2011 Ədəbiyyat portalı - www.azerlit.info