Avlaxda bu gün avlar ikən yarə yoluxdum
Avlaxda bu gün avlar ikən yarə yoluxdum, Bir aydan arı gün kimi didarə yoluxdum.
Biçarə könül güzgüsü açıldı səfadən, Hey-hey, nə əcəb ahuyi-tatarə yoluxdum.
Dün varmış idim bağçaya gül dərməgə, amma Sundum əlimi bir gülə, səd xarə yoluxdum.
Çox mehrü vəfa umar idim yardən, amma Bir cövri yüküş yari-cəfakarə yoluxdum.
Şah eşiginə səcdə qılıbdır bu Xətayi, Bəhri-Nəcəfə irdim, şəhvarə yoluxdum.
|
© 2011 Ədəbiyyat portalı - www.azerlit.info