Axan ol sərvin yanında su degil, yaşımdır ol,

Ayağın altındakı başmaq degil, başımdır ol.

Ta xəyalınla sənin dəfi-məlal eylər könül,

Getməsün dildən ki, xoş həmrazü sirdaşımdır ol.

Mən dedim kim, çeşmü ğəmzən sehri dutdu aləmi,

Onların sərfitnəsi kimdir? Dedi: – Qaşımdır ol.

Gözümün yaşın ki, saldım içdigim sudur mana,

Bağrımın qanın ki, gördüm, ağulu aşımdır ol.

Can fəda qıldı Xətayi, demədi ol bivəfa,

Heyf, köçdü aşiqi-sərbazi-qəllaşımdır ol.