Yar aydır: ”“ Gün nədir? Aydım: ”“ Cəmalındır sənin
Yar aydır: – Gün nədir? Aydım: – Cəmalındır sənin. Ay dəxi şol tələti-fərxəndə falındır sənin.
Ruzi-meraci-nəbi vəslin günidir, ey mələk, Qabi-qövseyn ol du əbruyi-hilalındır sənin.
Dilbərin vəsli-kəmalın çox görübsən, ey rəqib, Ey kəmalə yetməmiş, imdi zəvalındır sənin.
Ağzımı təlx eylədi hicrin, təkəllüm qıl mana, Tutiyi-şəkkər şikən şirin məqalındır sənin.
Ey Süleymani-zəmanə, aşiqin sor halını Kim, qapunda mur nisbət payimalındır sənin.
Ay yüzinin səfhəsidir ayəti-“fəthün qərib”, Hərfü nöqtə ol yüz üstə xəttü xalındır sənin.
Danla derlər dideyi-mömin liqayi-həq görür, Bu Xətayi xəstəyə ruzi-vüsalındır sənin.
|
© 2011 Ədəbiyyat portalı - www.azerlit.info