Cana, ğəmində qismi cəfadır Xətayinin
Cana, ğəmində qismi cəfadır Xətayinin, Leykin dilində mehrü vəfadır Xətayinin.
Ləlin əgər verürsə dəva dərdməndinə, Bir busəsinə canı fədadır Xətayinin.
Hər dəm ki, xaki- payini der tutiyayi-çeşm, Giryan gözünə eyni-şəfadır Xətayinin.
Ta görmüşəm yüzün günəşin, ey qəmərliqa, Hər dəm dilində şəmsüz-zühadır Xətayinin.
Könül alıb bəhasını versən vüsal ana, Mürvət sənin bu işdə, rizadır Xətayinin.
Ta ağ yüzündə çini-saçındır məqami-dil, İqlimi-Rumü Çinü Xətadır Xətayinin.
Gəldi Xətayi qapuna, vergil murad ana, Hüsnin həqqinə zikri duadır Xətayinin.
|
© 2011 Ədəbiyyat portalı - www.azerlit.info