Məclis əhli çaxır içəndə dutar əldə əyağ,

Sanasan bir şəmdir kim, üstə yanır bir çırağ.

Gülşəni-məclisdə bir şux pəridir, dilrüba,

Sanasan bir lalədir, bağrında anın dürlü dağ.

Dustkam olsun həmişə ol berəğmi-dustan,

Oldu məclisdə müşərrəf busə səndən solu sağ.

Müşki-ənbər məcməridir, yoxsa cami-meydürür,

Buyi-xubindən anın daim müəttərdir dimağ.

Mehr ilən yari ki, gəlmişdir zi gülşən yadigar,

Bu Xətayi xəstədildir xaki-ol məhruyi-bağ.