Həq ləbindən qönçəni gülşəndə xəndan eyləmiş
Həq ləbindən qönçəni gülşəndə xəndan eyləmiş, Leyk bu naziklik ilən xandan eyləmiş?
Qamətinin gül kimi tərhin götürmüş bağban, Bağda əksindən anın sərvi-xuraman eyləmiş.
Div oğurlamışdı bir zərdə dəhanın nəqşini, Varmış andan xatəmi-möhri-Süleyman eyləmiş.
Zülməti-zülfində içmiş ləblərin abini Xızr, Heyyi-baqi bulmuş, adin abi-heyvan eyləmiş.
Şanədən məşşatə salmış bir saçın qılın yerə, Sərbəsər xaki-cəhanı ənbərəfşan eyləmiş.
Arizin bağında bir mürği-hərim olmuş Xəlil, Ol səbəbdən həqq ana odu gülüstan eyləmiş.
Bu Xətayi qanını tökməkdə ikən tökmədin, Anda hər müfti ki, mən etmiş bəsi qan eyləmiş.
|
© 2011 Ədəbiyyat portalı - www.azerlit.info