Pərtövi-hüsnindən, ey dilbər, cahan pür nur olur
Pərtövi-hüsnindən, ey dilbər, cahan pür nur olur, Binəvadır kim, vüsalından həbibin dur olur.
Ey pəriru, sən mana hərgiz nəzər qılsan benaz, Müddəi bu qüssədən eynül-yəqin rəncur olur.
Zahidin cövründə gər viran olursa mülki-dil, Ğəm degil, cana, çü vəslindən yenə məmur olur.
Hüsni dövründə baxın hiç iltifat etməz mana, Kim görübdür mövsimi-gül bağban məqdur olur.
Təşnə dildir bu Xətayi, can veribdir ləlinə, Necə kim, ləlin əsəldir, dil ona zənbur olur.
|
© 2011 Ədəbiyyat portalı - www.azerlit.info