Ləblərin yadi ilə didələrim qan doludur,

Ağlamaqdan ətəgim ləl ilə mərcan doludur.

Səri-kuyində nə ğəm, nalə qılursa dilü can,

Yüzü gül gülşən ara bülbüli-xoşxan doludur.

Gər şikayət edəyim qaşı yayı oxudin.

Hər yana sancıla sinəmdə bu peykan doludur.

Buyi-zülfin gətirir yadimə badi-səhəri,

Canü dil bağçasında müşk ilə reyhan doludur.

Ey Xətayi, özünü xak edə gör pak olasan,

Mənlik etmə ki, cahan əhlinə ürfan doludur.