Ənbərin zülfinmidir, ya müşki-tatarındurur?
Ənbərin zülfinmidir, ya müşki-tatarındurur? Gögdə kövkəb əqdi həm löleyi-şəhvarındurur.
Hər səhərgəh aləmü afaqı pürnur eyləyən Gün degil, ey dilbərim, ol hüsni-didarındurur.
Ruzi-məhşər qoparan, cana, qiyamət qamətin, Fitnələr zahir qılan ol çeşmi-məkkarındurur.
Tuba kim, derlər cahanda, qəddü rəftarındır ol, Baği- rizvan kim, deyirlər, ruyi-gülzarındurur.
Dünyəvü üqbadə hərgiz qəm yemə əğyardən, Ey Xətayü, çün sənin lütfi-xuda yarındurur.
|
© 2011 Ədəbiyyat portalı - www.azerlit.info