Yanağın, ey pəri, can mənzilidir
Yanağın, ey pəri, can mənzilidir. Bu bülbülnün gülüstan mənzilidir.
Ayağın basdığı yer, ey dilaram, Bu mur içün Süleyman mənzilidir.
Saçının zülmətində təşnə Xızram, Dodağın abi-heyvan mənzilidir.
Bitibdir qamətin çeşmim üzündə, Nə xoş sərvi-xuraman mənzilidir.
Götürmə ağ yüzündən qarə zülfin Ki, əqrəb mahi-taban mənzilidirş
Murad içün gəlübdür dil qapuna, İnayət qıl ki, ehsan mənzilidir.
Xətayi könlünə yar mehri düşdü, İmarət qıl ki, sultan mənzilidir.
|
© 2011 Ədəbiyyat portalı - www.azerlit.info