Bu sürahi bir dilarami-pəri nisbətlüdür
Bu sürahi bir dilarami-pəri nisbətlüdür. Şəkli bir məhbubi-şuxin peykəri nisbətlüdür.
Oturur məclisdə bir zərrinkülahü simtən, Asılü zülfi-müsəlsəl ənbəri nisbətlüdür.
Yoxsa bir şəhzadeyi-zərrin kəmərdir, pürxütut, Ol kəmər üstə əliflər xəncəri nisbətlüdür.
Təxti-simin üstə oturmuş Süleyman hökm içün, Əldə bir zərrin əyağ əngüştəri nisbətlüdür.
Hər tərəfdən görünür yüzində yüzlü surəti, Filməsəl ayineyi-İskəndəri nisbətlüdür.
Sidq ilən bel bağlamış, durmuş fütuhi-rəzm içün, Ğazilər yanında anın ləşkəri nisbətlüdür.
Hövzi-cənnətdir cəvahirdən tökülmüş rövzədən, Səlsəbil içində abi-kövsəri nisbətlüdür.
Yoxsa doğmuş arədə bir afitabi-şəmi-bəzm, Çeşmi-mərdüm anə hər su müştəri nisbətlüdür.
Bəzl edər bəzmin Xətayi abi-kövsərdən müdam, Şahi-mərdanın-Əlinin Qənbəri nisbətlüdür.
|