Könül bir yarı sevda kim, pəridir,

Cahan içrə gözəllər sərvəridir.

Boyi bağ içrə sərvi-nazə bənzər,

Yanağı həmçü vərdi-əhməridir.

Yüzidir nisbəti-xurşidi-taban,

Fələkdə məh aninçün Müştəridir.

Əgər xaqan, əgər fəğfur olursa,

Eşigi itlərinin kəmtəridir.

Yüzi səhni-gülüstan içrə güldür,

Saçının buyi müşkü ənbəridir.

Kim anın vəslinə bir dəm irişsə,

Cəmii-mülki- aləmdən bəridir.

Saçının rəngidir çün leylətül-qədr,

Cəmali nuri şəmsi-xavəridir.

Əzəldən ani sevdim canü dildən,

Sağınmasun ki, eşqim sərsəridir.

Baxub heyran olur Hüsninə aləm,

Xətayi xəstənin ol dilbəridir.