Rüxlərin müshəf, nigara, qaşların mehrablər,

Baxdım, ol yüzdən mana fəth oldu yüz min bablər.

Zərrə ikən gün təki aləmdə məşhur olmuşam,

Ta mana düşdi sənin mehri-rüxündən tablər.

Gər sənin yüzün degil aşiqlər üçün qibləgah,

Bəs nədən oldu hilali qaşların mehrablər?

Ta sənin zülfü rüxüni görmişəm hər sübhü şam,

Gecə-gündüz giryədən gəlməz gözümə xablər.

Çini-zülfün bəndinə düşdü Xətayi xəstə dil,

Şərbəti-ləlindir anə qənd ilə innablər.