Qonaq Kitabı
Ol pəri kim, bu cəhanda hüsninin həmtası yox

 

Ol pəri kim, bu cəhanda hüsninin həmtası yox,

Sərvi-rənanın xuraman qəddi tək balası yox.

 

Gecə-gündüz mən anın hicrində yanmaqdır işim,

Neyləyim kim, ol məhin məndən yana pərvası yox.

 

Ögmə, ey zahid, mana rizvanü cənnət bağini

Kim, anın yarın yüzü tək bir güli-həmrası yox.

 

Qılma, ey naseh, mənə zülfin sevərsən deyə tən,

Xansı aşiqdir kim, andan başda bir sevdası yox.

 

Gərçi çoxdur dünyada üşşaqi ol mahin, vəli

Bu Xətayi xəstə tək bir aşiqi-şeydası yox.

 



 
[1] 
 
© 2011 Ədəbiyyat portalı - www.azerlit.info