Qonaq Kitabı
Bu, qəmzə degil, bəladır, ey dust

 

Bu, qəmzə degil, bəladır, ey dust,

Bu, xəndə degil, cəfadır, ey dust.

 

Şəkkər ləbin ağzuma söyərsə,

Sögmək degil ol, duadır, ey dust.

 

Yer yüzi həvayi-qəddün ilə

Cənnət kimi xoş həvadır, ey dust.

 

Dil mürşidinə xəyali-zülfin

Həm xirqəvü həm əsadır, ey dust.

 

Aşiq olalı sana Xətayi

Balaına mübtəladır, ey dust.

 



 
[1] 
 
© 2011 Ədəbiyyat portalı - www.azerlit.info