Bu aləm hüsninə heyrandır, ey dust
Bu aləm hüsninə heyrandır, ey dust, Sana bu qönçə ləb xəndandır, ey dust.
Mən ol Yəqub nisbət zar boldum, Cəmalın Yusifi-Kənandır, ey dust.
Hilali qaşını ta gördü çeşmim. Bu canım eydinə qurbandır, ey dust.
Sana bu künfəkan valeh bolubdur, Ki, hüsnin surəti-rəhmandır, ey dust.
Cəmalın səfhəsində xəttü xalın, Yüzündə ayəti-qurandır, ey dust.
Sənin eşqin vücudim şəhdi içrə Bu könlüm təxtinə sultandır, ey dust.
Xətayiyə, demişsən, cövr edim çox, Yenə lütfü yenə ehsandır, ey dust.
|
© 2011 Ədəbiyyat portalı - www.azerlit.info