Gözlərindən çağrışırlar, dadlar, bidadlar,

Tiğə dutdu kirpigin puladlar cəlladlar.

Dilbərin bilişlərindən sorgil eşqim xarını,

Aşina bilməz bu halı, xanda bilsin yadlar?

Kim ki, eşqin vəsfini ögrənməgə şagird ola?

Qoydular adın anın ustadlar, ustadlar.

Dabanımdan yardılar başdan ayağa soydular,[i]

Almadılar dadımı bidadlar, Şəddadlar.

Çün bıçaq ürəgə yetdi cigərim dərd eylədi,

Ağladı canım qamu fəryadlar, fəryadlar.

Həqqə vasilsən, Nəsimi, bigümanü şübhəsiz,

Binəhayət dini açdın gör qamu əfradlar.