Saldı xəbəri-hüsnünüz, ey sərvəri-xuban
Saldı xəbəri-hüsnünüz, ey sərvəri-xuban, Qovğaya cahani, Rövşən qılır ənvari-rüxün, ey məhi-taban, Kövn ilə məkani. Şayəsteyi-dərgahi-həq olmaq dilər isən, Cuyayi-həq ol kim, Hər kim ki, həqi tanımadı, olmaya insan, Heyvan degil ani. Insanı görün kim, necə bu tinəti qıldı Həq öz kərəmindən. Ziba yaradıbdır, sənəma, xaliqi-sübhan, Bu cism ilə cani. Hər kim ki, deməz surətinə məzhəri-həqdir, Vaqif degil andan, Ol bixəbərə söylə ki, ta qalmaya nadan, Bilsin bu bəyani. Fani olisərdir bu cahan aqibətül-əmr, Rəhm eylə mənə sən, Bilgil ki, vəfa eyləməyə kimsəyə, ey can, Bu dünyəyi-fani. Hər kim ki, sənin gözlərinə müştəri olmaz, Cana, çü Nəsimi, Qılmaz dilü can qaşın ilə gözünə qurban, Aşiq demə ani.
|
© 2011 Ədəbiyyat portalı - www.azerlit.info