Çıxıb gül fəslində seyrə nigarım,

Sənalar eylərəm baharü yayə.

Doyunca gör qəddin, gözüm, bu qəmlə

Ömr çatmaz bir dəxi ilə və ayə.

Dedim: dilbər, məndən gəzmə dəxi dur,

Yolunda payəndaz baş ilə candur.

Dedi: çün oxşatdın, məndən uzaq dur,

Qəmzəmi peykanə, qaşımı yayə.

Söylə, səba, yarə, əsib o yana,

Olurmu bir əhvalıma o yana!

Səhər ki, xabından sərxoş oyana

Bənəfşə tək üzdə telini yayə.

Əcəl saqisindən allam peymanə,

Vəfa gər etməsəm əhdü peymanə,

Məsturə tələtin cahan peymanə?

Nə nisbəti onun xurşidə, yayə!

Səg rəqibin ya rəb, başına qarə!

Baxmasın bir də o sinəsi qarə!

Mənə ki, rəhm etməz o bağrı qarə,

Oxusan yüz ona hədisü yayə.