MOLLA NƏSRƏDDİNİN YORĞANI
Gecə yatmaq zamanı çatmış idi, Molla Nəsrəddin evdə yatmış idi.
Nagəhan küçədən ucaldı səda, Vurharay düşdü, qopdu bir qovğa.
Molla, çiynində yorğanı, dərhal Küçəyə çıxdı müztərib-əhval.
Gördü bir yanda bir ağır dəstə, Sanki minmiş adamlar üst-üstə.
Istədi dəstəyə tərəf getsin, Bu yığıncaq nədir, - sual etsin.
Işbu əsnadə bir nəfər tərrar Yorğanı qapdı nagəh, etdi fərar.
Molla bu qissədən pərişanhal Evinə döncək övrət etdi sual:
“De görüm, küçədə nə var, a kişi? Bu nə dəvadır, anladınmı işi?”
Dedi: “Yorğan üçün imiş bu təlaş, Aldılar yorğanı, kəsildi səvaş”.
İlk dəfə “Günəş” qəzetində (23 noyabr 1910, â„– 75) “Ə.S.” imzası ilə çap olunmuşdur.
|
© 2011 Ədəbiyyat portalı - www.azerlit.info