TƏBİB İLƏ XƏSTƏ
Bir təbibə gedib də bir bimar Dedi: “Mədəmdə ağrı bir şey var;
Bir dəva ver, mana əlac eylə, Ölürəm, çareyi-mizac eylə”.
Tutdu nəbzin təbib onun dərhal: “Nə yemişsən?” – deyə edincə sual,
Dedi: “Yanmış çörək yedim, doktor, Yediyim bir əlavə şey yoxdur”.
Baxa qaldı təbib onun sözünə, Istədi bir dəva tökə gözünə.
Xəstə: “Mədəmdir ağrıyan, a gözüm, Yoxsa məhfumunuz deyilmi sözüm?”
Dedi doktor ona ki: “Ey əhməq, Eybli olmasa gözün mütləq,
Yanmış ətmək yeməz idin əsla, Bu səbəblə yarar tökülsə dəva”.
İlk dəfə “Həqiqət” qəzetində (18 iyun 1910, â„– 138) “Ə. Sabir Tahirzadə” imzası ilə çap olunmuşdur.
|
© 2011 Ədəbiyyat portalı - www.azerlit.info