UŞAQLARA HƏDİYYƏ
MƏKTƏB ŞƏRQİSİ
Məktəb, məktəb, nə dilgüşasən, Cənnət, cənnət desəm səzasən. Şadəm, şadəm təfərrücündən, Əlhəq, əlhəq, gözəl binasən!
ətrin, ətrin güli-cinandır, Feyzin, feyzin həyati-candır, Qünçən, qünçən səfayi-vicdan, Nurun, nurun ziyafəşandır!
Tahir, zahir hünərlərin var, Bahir, zahir səmərlərin var, Dərya-dərya təməvvücündə Parlaq-parlaq gühərlərin var!
Dəftər-dəftər xəbərlərin var, Rəhbər-rəhbər əsərlərin var, Mişkin-mişkin qələmlərində Ahu-ahu nəzərlərin var!
Himmət, himmət səninlə ali, Xaki-vətən səninlə hali, Sənsən, sənsən ümum nasın Nitqi, fikri, dili, məqali!
Gülşən-gülşən lətafətin var, Rövşən-rövşən səadətin var, Vazeh-vazeh bəyanlarında Şirin-şirin hekayətin var!
Olsun, səninlə xoşhal, Yetsin, yetsin kəmalə ətfal, Görsün, görsün pəsərlərində Sabir-sabir pədərlər iqbal!
Ilk dəfə “Dəbistan” jurnalında (20 dekabr 1906, â„– 17) “Ə. Sabir Tahirzadə Şamaxı” imzası ilə çap olunmuşdur.
|