EY ŞUX, YENƏ HƏMDƏM OLUB KAKILƏ ZÜLFÜN
Ey şux, yenə həmdəm olub kakilə zülfün, Təhris edir ol kafiri seydi-dilə zülfün!
Dinü dilimi qarət edib, eylməəz insaf, Şimdi nə təmənna ilə eylər gilə zülfün?
Hər ləhzə urur sinəmə min navüki-dilduz, Müjganın ilə yoxsa dəyib dil-dilə zülfün?
Heyrətdəyəm, aya ki, nədir fitneyi-Harut[1], Ey şux, məgər sehr oxuyub Babilə zülfün?
Tənha səfər etmə, gəl apar canımı, əmma Bu sirri nihan saxla, məbadə bilə zülfün.
Aldatdı könül mürğünü ol daneyi-xalın, Dami-rəhi-əql oldu o pürsilsilə zülfün.
Sabir kimi qərq oldu gözüm yaşinə cismim, Tutmub əlimi çəkmədi bir sahilə zülfün.
İlk dəfə 1914-cü ildə “Hophopnamə”də çap olunmuşdur.
|
© 2011 Ədəbiyyat portalı - www.azerlit.info