Viranə Şəmaxidə mənə gənc tapılmaz,

Bir gənc bu viranədə birənc tapılmaz.

Pistani-sənəmtək iki limu ələ keçməz

Bir ğəbğəbi-dilbər kimi parinc tapılmaz.

Rüx tutmağa dərgahında bir şah bulunmaz,

Fərzini-xirəd seyrinə şətrənc tapılmaz.

Bu bağdə bir növgüli-bixar görünməz,

Bu bəzmdə bir dilbəri-biğünc tapılmaz.

Bu xaneyi-şəşdərdə iki kəb atılmaz,

Bu təxteyi-heyrətdə şeşü pənc tapılmaz.

Tərsadə pəriruy gözəl çoxdu və lakin

Səntək gözəl, ey dilbəri-Gürgənc, tapılmaz.

Şirin söz ilə saldı o ahuni kəməndə,

Sabir kimi bir rindi-süxənsənc tapılmaz.

İlk dəfə “Hophopnamə”nin 1914-cü il nəşrində çap olunmuşdur.