QOYMA GƏLƏ, SAQIYA, ZAHIDI MEYXANƏYƏ
Qoyma gələ, saqiya, zahidi meyxanəyə, Dönməyə meyxanəmiz məscidi-viranəyə.
Urma gireh zülfünə, eylə həzər, ey sənəm! Oxşamasın şəkldə səbheyi-səddanəyə.
Hirz ilə, əfsun ilə olmaz ilaci-cünun, Eşq sözündən səva söz demə divanəyə.
Badeyi-təlx içrə bu nəşeyi-şirin nədir? Yoxsa qoyub dilbərim ləb ləbi-peymanəyə?
Şimdi ki, üzdün əlin zülfi-pərişandən, Bari gəl izhar qıl dərdi-dilin şanəyə.
Şəmi də yaxmaqdadır atəşi-sevdayi-eşq, Şöleyi-pərtövfüruz xasmı pərvanəyə?
Sabir o cənnətrüxün gəndüm-xalın görüb, Az qalıb Adəm kimi aldana bir danəyə.
Ilk dəfə “Füyuzat” jurnalında (13 aprel 1907, â„– 15) “Ə. Sabir Tahirzadə” imzası ilə çap olunmuşdur.
|
© 2011 Ədəbiyyat portalı - www.azerlit.info