TƏRBİYƏ
Ümmətin rəhnüması tərbiyədir, Millətin pişvası tərbiyədir.
Tərbiyətlə keçir ümuri-cəhan, Hər işin ibtidası tərbiyədir.
Valideynin, təbii, övlada Nəzəri-etinası tərbiyədir;
Çünki övlad neməti-həqdir, Şükri-həqqin ədası tərbiyədir.
Cahilin də zavallı övlada Şiveyi-narəvası tərbiyədir;
Öyrədir tiflə sui-əxlaqı, Qaliba, müddəası tərbiyədir.
Tərbiyət elmsiz deyil məqbul Ki, onun müqtəzası tərbiyədir.
İlk dəfə “Günəş” qəzetində (29 dekabr 1910, â„– 104) “Ə.S.” imzası ilə çap olunmuşdur.
|
© 2011 Ədəbiyyat portalı - www.azerlit.info