RUHUM!..
Ruhum, ey şahbazi-ülviyyət, Himmətimtək fəzadə pərvaz et! Uç! Uç! Övci-səmadə pərvaz et! Təngnayi-bədəndə var xiffət.
Aşiyani-bədəndə etmə qərar, Yanma sən də mənim kimi narə! Bulamazsan məlalimə çarə! Sıxılırsan, lətifsən, zinhar!
Boşla bu cismi, cism mən deyiləm; Sana müşkül olursa hicranım – Mən sənin, sən mənim dilü canım, Mən sənin kəndinəm, bədən deyiləm!
Hara getsən səninlə mən də varam, Şu bədəndə fəqət əsiriz, zar, Ölməyimlə sevinməsin əğyar, - Aləm olduqca mən dəxi duraram!
Bir səfa bulmadıq bu aləmdə, Başqa bir aləmə varıb gedəlim; Bir ovuc xaki tərk edəlim, Mədfəni-şumi-ali adəmdə!
Mən gedərsəm, var olsun amalım! Yaşasın şəhriyari-hürriyyət! Yaşasın şəhriyari-hürriyyət! Mən gedərsəm, var olsun amalım!..
Ilk dəfə “Yeni füyuzat” jurnalında (28 dekabr 1910, â„– 11) “Ə. Sabir” imzası ilə çap olunmuşdur.
|