ƏQVALİ-HİKƏMİYYƏDƏN MÜQTƏBİS BİR MƏNZUM
Könül, ol talibi-hikmət, - o hikmət kim, həqiqətdir, Həqiqi hikmət ancaq hüsni-siyrətdən ibarətdir.
Hakimi-kamil olmaqçın deyildir çox bilik lazım, Fəqət iqnai-nəfsə müqtədir olmaq kifayətdir.
Zəlalət əhli hər şeyi kəc anlar, kəc də hökm eylər, O kəs kim, doğru yolu fəhm edər - əhli-fəzilətdir.
Olur aləmdə şəxsin himməti miqdari-fikrincə, Nə himmət gözlənir ondan ki, əfkarı qəbahətdir?
Pədərlə madərin nəshindən əsla təlxkam olma, Səni təkdirü təzir etsə də, bir dadlı şərbətdir.
Doğuşda ayrılırkən müxtəlif surətlərə insan, Məmatında onu yeksan qılan xaki-nədamətdir.
Cənabi-həq o bəhri-bigirani-mərhəmətdir kim, Ona mülhəq olan insan şərəfyabi-səadətdir.
İlk dəfə “Səda” qəzetində (7 fevral 1910, â„– 31) “Balaxanı məktəbi müəllimlərindən Ə.Sabir Tahirzadə” imzası ilə çap olunmuşdur. “Molla Nəsrəddin”
|