Gəl, könül, incimə bizdən
Gəl, könül, incimə bizdən, Qalsın könül, yol qalmasın. Əvvəl-axır yol qədimdir, Qalsın könül, yol qalmasın.
Ərənlər bizə busudur, Yalan söyləyən asıdır, Bu, gerçəklər nəfəsidir, Qalsın könül, yol qalmasın.
Bağçada açılan güldür, Mənayi söyləyən dildir, Pəs əzəldən qədim yoldur, Qalsın könül, yol qalmasın.
Başındadır altun tacı, Budur ərənlər meracı, Kəskindir yolun qılıcı, Qalsın könül, yol qalmasın.
Ey divanə, ey divanə Aşiq olan qıyar canə, Xətayi der Taclı xanə: - Qalsın könül, yol qalmasın.
|
© 2011 Ədəbiyyat portalı - www.azerlit.info