Mahir ovçu kimi mǝni izlǝyǝn,

Qumral gözlǝrinin qurbanı olum.

Saxta baxışlardan mǝni gözlǝyǝn,

İşvǝ-nazlarının qurbanı olum.

Varmı sǝnin kimi solmayan çiçǝk,

Əbrişim cığalı, qanavuz birçǝk?

Doğra mǝni, tikǝ-tikǝ şişÇ çǝk,

Bişir, gözlǝrinin qurbanı olum.

Cavan Hüseyn doymaz saf mǝhǝbbǝtdǝn,

Gǝl qurtar aşiqi qǝmdǝn, möhnǝtdǝn.

Beçǝnin balından, nabatdan, qǝnddǝn

Şirin sözlǝrinin qurbanı olum.