Yarın sinǝsindǝ bir dǝstǝ çiçǝk,

Yarı nǝrgiz, yarı qönçǝ, yarı gül.

Çiçǝkdǝn dǝ, nǝrgizdǝn dǝ yar göyçǝk,

Xoş halına kimin vardı yarı gül.

Qızılgül cananın al yanağıdır,

Nazik yarpaqları qǝmi dağıdır,

Ağ gül gözlǝrinin tǝr buxağıdır,

Gülǝr üzlǝr heç olmasın sarı gül.

Güldü yaraşığı bağça-bağların,

Xaldı yaraşığı ağ buxaqların,

Yardı yaraşığı gen otaqların,

Cavan Hüseyn çǝkir intizarı, gül.